પ્યાસી ધરા ભીંજવી જા,
માટીને મહેકાવી જા,
મોરલીયો નચાવી જા, ઓ મેહુલીયા વરસી જા...
ગગનને ગજાવી જા,
વીજળીયું ચમકાવી જા,
વાદળીયું વરસાવી જા, ઓ મેહુલીયા વરસી જા...
નદીયુંને ઊભરાવી જા,
સરવરીયાં છલકાવી જા,
મુશળધાર વરસાવી જા,ઓ મેહુલીયા વરસી જા...
ખેડુને મલકાવી જા,
બાલુડાં હરખાવી જા, ઓ મેહુલીયા વરસી જા...
બાગે ફૂલડાં ખિલાવી જા,
વનરાઈઓ હસાવી જા,
હરિયાળી ફેલાવી જા, ઓ મેહુલીયા વરસી જા...
No comments:
Post a Comment