હરખતી આજ હું તો જાગી
ભાઈ, મલકાતી હું તો જાગી
આજ છે મારો રાખડીનો દિન
મલક લઈશ હું માગી માગી
હરખતી આજ હું તો જાગી...
નાના હાથે વીરાને બાંધુ રાખી,
ભાઈલા ને દુનિયા ચાહે આખી,
વચન લઈશ હું માંગી માંગી,
હરખતી આજ હું તો જાગી...
નાનો અમથો નથી આ દોરો,
આ તો છે સ્નેહનો તાર,
ભાઈ બહેનના પ્રેમનો રાખડીમાં,
મલકે મલકતો સાર,
હરખ લઈશ હું તો માંગી માંગી,
હરખાતી આજ હું તો જાગી...
ભાઈ બહેનના પ્રેમનો રાખડીમાં,
મલકે મલકતો સાર,
હરખ લઈશ હું તો માંગી માંગી,
હરખાતી આજ હું તો જાગી...
-ચંદ્રકાન્ત ઠક્કર
No comments:
Post a Comment