" પરીઓનો દેશ "

પરીઓનો દેશ આતો પરીઓનો દેશ,

રૂડોને રંગીલો આતો પરીઓનો દેશ...
પરીઓનો દેશ...

રૂમઝૂમ રૂમઝૂમ હું તો ચાલું,

છમછમ છમછમ હું તો નાચું,

ગીત મધુરા ગાઉં હું તો ગીત મધુરા ગાઉં...
પરીઓનો દેશ...

તારલિયા તો ઝીણું ચમકે, 

જોઇને મારું મુખડું મલકે,

રાજી રાજી થાઉં હું તો રાજી રાજી થાઉં.
પરીઓનો દેશ...

ચાંદામામા ખૂબ જ ગમતા,

સંતાકૂકડી સાથે રમતા,

સાતતાળી  સાથે રમતા,

ફેરફુદરડી સાથે ફરતા,

વ્હાલો એનો વેશ આતો પરીઓનો દેશ...
પરીઓનો દેશ...